Trajneri i Teutës, Edi Martini, foli për MCN TV, pas barazimit me Tiranën.
Tekniku i durrsakëve, e quan pikë karakteri atë ndaj Tiranës, duke thënë se është si fitore, për moralin.
Sa i përket sfidës, Martini deklaroi se ishte ndeshja më e keqe nga 10 të fundit.
Është ndeshja më e keqe që kemi bërë në 10 ndeshjet e fundit. Në pjesën e parë, lamë Tiranën të qarkullojë topin. I dhamë superioritet numerik. Pësuam gol nga distanca, duhet të ishim më të kujdesshëm. Në pjesën e dytë, ndryshuam në 3-5-2. Pësuam një gol shpejt, që na uli 10-15 minuta, më pas ekipi luajti gjithçka për gjithçka.
Barazuam dhe është një pikë si fitore. Në këto kushte, është shumë e rëndësishme ana psikologjike. Është pikë karakteri dhe si fitore. Duhet të rrisim lojën. Llocit i thashë bravo dhe të vazhdojë kështu. Është lojtar i ri dhe tregoi veten se është i rëndësishëm për skuadrën tonë.
Problemi i ekipit është ana psikologjike. Skuadra ka luajtur çdo ndeshje e barabartë me kundërshtarët, por fati nuk ka qenë me ne.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
