Rrugët e Liverpoolit dhe Jordan Henderson janë distancuar shumë në kohët e fundit . Prej 10 vitesh tashmë anglezi konsiderohet lideri i mesfushës së ‘’ The Redsave ‘’ por mungesa e akordit ka krijuar një lloj mëdyshje për qëndrimin në mitikun ‘’ Anfield Road ‘’ . Ky lajm mesa duket ka gëzuar pa masë rivalët e Arsenalit të cilët sipas SkySports kanë pranuar plotësimin e kërkesave të 31 vjeçarit dhe e kanë detyruar Jordan Henderson për ta menduar të ardhmen larg Liverpoolit .
Traineri i ‘’ Topchinjve ‘’ Mikel Arteta e shikon si një vlerë të shtuar transferimin e ishi-t të Sunderlandit në ‘’ Emirates ‘’ për arsye se është një lojtar me shumë eksperiencë dhe influenca e tij mund ta përmirësojë rendimentin e mesfushës i cili është penalizuar nga paraqitjet e dobëta të Thomas Partey-t .
Fakti se për herë të parë pas shumë vitesh s’kanë mundur të sigurojnë një vend në Europë i ka detyruar drejtuesit e ‘’ The Gunnersave ‘’ të shtojnë intensitetin në merkato sepse sezoni i kaluar është konsideruar si një ndër më të vështirët për londinezët .
Një aspekt që ndoshta do të binte ndesh me dëshirën e Arsenalit është reagimi i Liverpoolit sepse nëse do ti jepnin dritën jeshile këtij operacioni do të përforconin rivalët direktë në Premier League , hap që do të konceptohej si një autogol për skuadrën e Jurgen Klopp.
Kalimi nga Sunderland tek Liverpooli i ka mundësuar shpalosjen e potencialit në një ndër skuadrat më të famshme në rang botëror me të cilën është shpallur fitues i disa trofeve të rëndësishëm si në nivel kombëtar ashtu edhe në ndërkombëtar si Kupa e Ligës , Premier League , Champions League , Superkupa e Europës dhe Botërori i Klubeve .
Sezonin e kaluar e finalizoi me 28 ndeshje dhe 1 gol por tashmë ka mbi tavolinë një ofertë tërheqëse nga një skuadër që pretendon rikapjen e majave në sezonin vijues .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
