Xhaka, për Artetën: Nuk do i dal kurrë kundër, mund të fitojmë titullin

Mesfushori shqiptar, Granit Xhaka, ka folur me fjalë të mëdha për trajnerin e Arsenalit, Mikel Arteta.

Për “Bein”, Xhaka deklaroi se nuk do i dalë kurrë kundër trajnerit, duke shtuar se është pjesë e londinezëve për shkak të tij. Sipas lojtarit, këtë vit Arsenali mund të fitojë titullin kampion në Angli.

Nuk ka rëndësi se çfarë do të ndodhë por unë do ta mbështes gjithmonë Mikel Artetën. Nëse nuk do të ishte ai, jam 100% i sigurt se nuk do të isha sot pjesë e Arsenalit. Ai e di këtë, kam një marrëdhënie shumë të mirë dhe të sinqertë me të.

Nuk ka rëndësi se çfarë ndodh në fushën e lojës, por unë nuk do të jem kurrë kundër tij apo të them diçka mbi fjalën e tij. Meriton respektin tim dhe të familjes sime. Këtë vit, mendoj se mund ta fitojmë titullin së bashku.