Ecuria e Nico Williams me Athletic Bilbaon po i siguron pretendentë me kalimin e kohës.
Spanjolli e ka konsoliduar vendin e një titullari si tek vaskët ashtu edhe tek ‘’ La Furia Roja ‘’ dhe në Premier League do të zhvillohet në vijimësi një derbi për shërbimet e tij.
Tottenham Hotspuri dhe Arsenali kanë nisur ofensivën për 22 vjeçarin, vlera e të cilit në merkato aktualisht i arrin 58 milionë eurot.
Mënyra se si e interpreton lojën sigurisht vijon të bindë, i cili spikat për triblimet dhe shpejtësinë, njëkohësisht konsiderohet shumë i rrezikshëm në duelet një kundra një.
Si ‘’ The Spursat ‘’ ashtu edhe ‘’ Topchinjtë ‘’ e kanë potencialin për ta përballuar peticionin e drejtuesve të ‘’ Los Rojiblancos ‘’, i cili me cilësitë që e karakterizojnë do të adaptohej pa shumë probleme në një kampionat shumë intensiv dhe kompetitiv siç është ai anglez.
Do të jetë një sfidë shumë e ashpër ndërmjet ‘’ Gjelave të Londrës ‘’ dhe 13 herë kampionëve të Premier Leagues, për një ndër lojtarët më të spikatur të Europianit të Gjermanisë, determinant në metrat e fundit për skuadrën e Luis de la Fuentes.
3 ndeshje dhe 5 asiste numëron lojtari i lindur në Pamplona, i cili i ka qëndruar besnik gjatë karrierës Athletic Bilbaos por me kalimin e kohës ndoshta mund ta ndryshojë mendjen, pasi flitet për dy kandidatë potencialë për tituj në çdo sezon.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
