Asllani dhe Lukaku vishen zikaltër, Interi bën dy afrime të rëndësishme

Interi vazhdon me përforcimet në merkato, për të bërë një skuadër konkurruese për sezonin e ri.

Mesfushori shqiptar, Kristijan Asllani dhe sulmuesi Romelu Lukaku, i janë nënshtruar vizitave mjekësore ditën e sotme.

Të dy lojtarët, pritet të zyrtarizohen në orët e ardhshme, por tashmë janë futbollistë të Interit dhe shihen si dy transferime të rëndësishme për sezonin e ri.

Asllani bën një lëvizje të rëndësishme në karrierë, teksa pas sezonit të parë në Serie A, ku shkëlqeu me Empolin, tashmë shqiptari do të provojë të tregojë aftësitë e tij në një klub të madh si zikaltërit.

Në krahun tjetër, Lukaku vjen në huazim nga Chelsea, aty ku u transferua pikërisht nga Interi, një vit më parë.