Në mediat turke ishte folur pak ditë më parë, por kalimi i portierit Gentian Selmani te skuadra e njohur e Fenerbahche-s duket se nuk është thjeshtë një spekulim merkatoje.
Një vit më parë portieri la Laçin në Superligë për t’u transferuar në ligën e dytë turke me skuadrën e Memespor ku bëri një sezon mbi pritshmëritë. Tani 22-vjeçari, pjesë edhe e kombëtares shqiptare mund të kalojë te Fenerbahche. Këtë e ka konfirmuar edhe trajneri aktual i Selmanit te Memespor:
“Selmani dhe Elkatmish mund të transferohen te Fenerbahçe. Unë mendoj se Selmani do të kontribuojë te Fenerbahçe. Ndërsa Murat Elkatmish është një lojtar shumë i ri me një potencial shumë të lartë.”
Nëse ky transferim do të realizohet do të ishte një hap tejet i madh në karrierën e Selmanit, ndërsa me siguri do të përfitonte edhe Laçi si klubi që e aktivizoi për katër sezone.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
