Manchester City ka mundur të zgjidhë një çështje kyçe për të ardhmen . ‘’ The Citiziens ‘’ kanë rinovuar kontratën e portierit Ederson deri në 30 qershorin e 2026-tës për arsye se braziliani është shumë i rëndësishëm për Pep Guardiolan. Sakrificat e bëra tek një ekip si bardhekaltërit kanë dhënë rezultatet e pritura dhe që nga mbërritja në ‘’ Etihad Stadium ‘’ në 2017-tën është shëndërruar në një domosdoshmëri për portën e anglezëve .
Paraqitjet e shkëlqyera e kanë bindur të famshmin ‘’ Pep ‘’ se është një element i pazëvëndësueshëm brenda skemave të katalanasit dhe drejtuesit e Manchester City-t e kanë rikompensuar me qëndrimin edhe për disa sezone në ishull.
Transferimi nga Benfica në merkaton e 2017-tës kundrejt 40 milionë eurove u cilësua si i tepruar nga specialistët e futbollit për arsye se Ederson sapo kishte hedhur hapat e parë drejt suksesit por tanimë ia ka mbyllur përfundimisht gojën kritikëve duke vulosur qëndrimin tek një ndër skuadrat më të forta në planet. Pa dyshimin më të vogël Ederson ka bërë një progres të jashtëzakonshëm nën urdhërat e Pep Guardiolas dhe aktualisht vlera e kartonit të tij arrin 50 milionë eurot .
Një fakt tjetër shumë domethënës është se përfshihet në listën e më të mirëve në qarkullim e cila përbëhet nga figura si Jan Oblak, Alisson Becker , Ter Stegen , Thibaut Courtois etj .
Në këtë sezon të ri Manchester City do të ketë një forcë më tepër për të shkuar drejt objektivit shumëvjeçar që lidhet me fitimin e Uefa Champions Leagues dhe me një teknik si Pep Guardiola gjithçka është e mundur .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
