Edhe pse ishte një ndër lojtarët më determinantë sezonin e kaluar , Juventusi i ka hapur rrugën largimit të Weston Mc Kennie nga ‘’ Allianz Stadium ‘’ . Rikthimi i Massimiliano Allegrit i ka ndryshuar plotësisht gjërat tek ‘’ Zonja e Vjetër ‘’ që kërkon të jetë përsëri lider në Serinë A dhe më gjerë . Ndalesa e rradhës së italianit është në Francë , më konkretisht tek Monaco ku ka zgjedhur Aurelien Tchouameni .
21 vjeçari konsiderohet si një prej talentëve më të mëdhenjë në të ardhmen dhe sipas Calciomercatos është një ndër tentativat e fundit të ish kampionëve të Scudettos .
Problematikat e sezonit të kaluar në të cilin bardhezinjtë rrezikuan pjesëmarrjen në Uefa Champions League i kanë dhënë një leksion shumë të vlefshëm për të evituar hapat fals gjatë rrugës ku do të kenë një detyrë të vështirë për të ulur nga froni Interin dhe sidomos kapjen e majave në kompeticionin më prestigjoz të Europës.
Megjithatë talenti francez nuk pretendohet vetëm nga Juventusi sepse edhe Real Madridi ka shfaqur interes për lojtarin nga Rouen .
Duke qenë se kanë ngelur edhe pak ditë për përfundimin e merkatos , ky fakt e rrit përgjegjësinë e skuadrave me emër për dhënien e maksimumit edhe pse është një hark kohor i shkurtër.
Ambicja dhe uria për sukses e shton automatikisht intensitetin gjatë negociatave me qëllimin e arritjes së fundit të lumtur por s’duhet harruar as reagimi i drejtuesve të Monacos për perlën e tyre .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
