Përgatitjet e Real Madridit në vigjilie të sezonit të ri kanë filluar me kohë dhe pas David Alabas përsëri kanë trokitur në derën e Bayern Munich . ‘’ Galaktikët ‘’ e kanë analizuar në detaje progresin e Leon Goretzkas i cili e ka impresionuar Carlo Ancelottin. Situata e gjermanit i shkon në favor spanjollëve sepse i mbetet edhe një vit kontratë me gjigandët e Bundesligës dhe nëse situata mbetet e pandryshuar në verën e ardhshme kryeqytetasit mund të përfitojnë gratis shërbimet e 26 vjeçarit .
Sipas raportimeve të gjermanes ‘’ Bild ‘’ mesfushori i mirënjohur preferohet shumë nga tekniku italian i cili është në rrugën e duhur në lidhje me projektin ambicioz që do ti mundësojë Real Madridit rikthimin në majën e Europës por edhe më gjerë dhe bosi Florentino Perez është shprehur i gatshëm ti plotësojë çdo dëshirë ishi-t të Evertonit .
Kontaktet e para midis Real Madridit dhe Bayern Munchen kanë filluar dhe ideja e kryeqytetasve është ta finalizojnë këtë operacion gjatë merkatos aktuale . Karakteristikat e lojës së Leon Goretzkas përshtaten me ideologjinë e Carlo Ancelottit sepse garanton stabilitet në mesfushë , mund të aktivizohet në pozicione të ndryshme si dhe është shumë i fuqishëm fizikisht , fakte që e bëjnë figurën e tij tepër tërheqëse për një skuadër që nuk kërkon të humbasë as edhe një moment në lidhje me rikthimin tek suksesi .
Nëse do të transferohet në ‘’ Santiago Bernabeu ‘’ lojtari nga Bochumi do të konsiderohej zëvëndësuesi ideal i Casemiros dhe Toni Kross në momentin që nuk do të jenë të disponueshëm për ‘’ Los Blancos ‘’. Kjo formulë do të ishte një goditje e qëlluar por duhet pritur se çfarë do të ndodhë në javët vijuese sepse bavarezët janë duke dhënë maksimumin për të siguruar qëndrimin e tij në ‘’ Allianz Arena ‘’ .
Leon Goretzka e ka finalizuar sezonin aktual me 8 gola në 32 takime ku s’duhet lënë në harresë as Europiani , eveniment në të cilin Gjermania i dha fund aventurës duke u eleminuar në fazën e 1/8-tave nga Anglia me shifrat 2-0 .
Performanca e Leon Goretzkas tek skuadra më e famshme e Bundesligës ka regjistruar një progres të dukshëm në çdo sezon por tanimë gjërat kanë ndryshuar paksa sepse flitet për interesin e Real Madridit , skuadër që ëndërrohet nga çdo lojtar i niveleve të tilla .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
