Merkatoja aktuale ka demostruar edhe njëherë potencialin e jashtëzakonshëm të Todd Boehly-t , i cili ka investuar fuqimisht duke transferuar në ‘’ Stamford Bridge ‘’ disa lojtarë cilësorë.
Megjithatë , një ndër prioritetet e manjatit anglez vijon të jetë Enzo Fernandez, kampioni i botës në fuqi me Argjentinën dhe një ndër talentët e kontinentit të vjetër.
Sipas gazetarit të ‘ Tyc Sports ‘ Cesar Luis Merlo, ‘’ Blutë e Londrës ‘’ vijojnë të insistojnë për ishi-n e River Plates, një ndër më të mirët e Lionel Scalonit në Botërorin e Katarit.
120 milionë euro ka ofruar numri një i kryeqytetasve për 22 vjeçarin, pa përfshirjen e bonuseve në rastin e arritjes së objektivave , shifër që do të derdhet në arkat e Benfikës në gjashtë këste dhe i pari do të realizohet në momentin e firmosjes së kontratës nga Enzo Fernandez.
Tashmë përgjigjja i takon presidentit dhe njëkohësisht ish legjendës portugeze Rui Costa për lojtarin e lindur në San Martin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
