Rikthimi i Dani Ceballos në ‘’ Santiago Bernabeu ‘’ në datën 1 korrik ka shkaktuar pakënaqësi tek Carlo Ancelotti. Italiani nuk e ka përfshirë në planet e tij për sezonin e ardhshëm duke i dhënë për të kuptuar drejtuesve të Real Madridit se duhet menjëherë ti kërkojnë një skuadër për të vijuar me evolucionin e tij . Megjithatë ideja e ‘’ Los Merengues ‘’ nuk është mbështetur nga 24 vjeçari i cili është i gatshëm të luftojë për një vend titullari në 11-shen e ishi-t të Milanit për të treguar se nuk i trembet rivalitetit që ekziston tek spanjollët.
Mesfushori kërkon të rikuperojë ndjesinë e të ndjerit i rëndësishëm në një skuadër e cila po përjeton një revolucion të dukshëm. Një trainer si Carlo Ancelotti imponon respekt dhe krijon idenë se Real Madridi është në rrugën e duhur dhe ishi i Real Betis Balompie dëshiron të tregojë se i ka aftësitë për ta realizuar këtë objektiv .
Në lidhje me këtë çështje Dani Ceballos ka konfirmuar dëshirën e qëndrimit në Madrid dhe për Mundodeportivon ka deklaruar :
“ Dua ta vazhdoj rrugën e nisur dhe të jap kontributin tim . Por kjo gjë nuk varet vetëm nga mua sepse është traineri ai që do ta thotë fjalën e fundit “ , përfundoi Dani Ceballos duke dhënë për të kuptuar se ndihet komod tek spanjollët dhe është i bindur se mund t’ia ndryshojë mendjen Carlo Ancelottit .
Huazimi tek londinezët i dha mundësinë të shpalosë vlerat nën drejtimin e bashkombasit Mikel Arteta ku u aktivizua në 40 takime dhe shërbeu me 3 asiste , por tashmë ndodhet në një situatë të vështirë të cilën shpreson ta zgjidhë sa më shpejt .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
