Si në çdo sezon në Premier League vijojnë të spikasin shumë lojtarë.
Natyrisht rendimenti i shkëlqyer i tyre po impresionon drejtuesit e disa klubeve me emër në Europë.
Rasti i Jean- Philippe Mateta, pjesë e Crystal Palace e konfirmon këtë teori, i cili edhe pse në një ekip mesatar në kampionatin anglez po tregon se e meriton kalimin tek një i famshëm.
Francezi i dha sinjalet në sezonin e shkuar, me 19 gola dhe 5 asiste në 39 sfidat e zhvilluara. Ishi i Le Havre është një rrezik i vazhdueshëm për çdo rival, i favorizuar edhe nga fiziku potent dhe efikasiteti përpara portës.
Kjo situatë të bën të mendosh se sezoni aktual mund të jetë i fundit për të në ‘’ Selhurst Park dhe interesi i Liverpoolit ndoshta do t’ia mbushë mendjen për të vijuar një tjetër eksperiencë në ‘’ Anfield Road ‘’.
Traineri Arne Slot ka sjellë një frymë të re në skuadër, e cila synon rikuperimin e terrenit të humbur në kompeticionet pjesëmarrëse dhe përforcimi me elementë cilësorë mund t’ia lehtësojë rrugën.
Në rastin e një oferte bindëse, drejtuesit e kryeqytetasve mund të pranojnë largimin e ishi-t të Le Havres, të cilët mund të mbushin arkat, për të tentuar më pas zhvillimin e një merkatoje cilësore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
