Sergi Busquets ka konfirmuar se e ardhmja e mesfushorit të Milanit, Franck Kessie do të jetë te Barcelona.
Futbollisti i kombëtares spanjolle, gjatë një interviste, bëri të ditur se mesfushori nga Bregu i Fildishtë do ta kryejë transferimin në fund të sezonit aktual.
Franck është një lojtar i fortë fizikisht. Ai është lloji i lojtarit që humbet pak topa. Di të vendoset në lojë. Për këtë jam i sigurt se do të jetë një përforcim i mirë për ne.
Kessié do të na ndihmojë. Ai do të duhet të përshtatet me lojën e Xavi. Trajneri e pa atë dhe pranoi ta nënshkruante, kështu që jam i lumtur që Barça po bën nënshkrime dhe lojtarët duan të arrijnë këtu.
Kessie refuzoi të rinovonte me Milan dhe nënshkroi marrëveshje 4-vjeçare me Barcelonën dhe tashmë ka kaluar edhe testet mjekësore me gjigantët e La Ligës.
25-vjeçari iu bashkua Milanit nga Atalanta në vitin 2019 për një shumë prej 24 milionë euro. Ai ka shënuar 36 gola në 214 ndeshje me fanellën kuqezi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
