Armando Vajushi vazhdon të shkëlqejë në Rumani, aty ku aktivizohet me skuadrën e Petrolul në Liga 2.
Futbollisti shkodran ka gjetur rrugën e rrjetës ditën e sotme, në fitoren 0-3 që Petrolul mori në transfertë ndaj Viitorul Tg. Jiu.
Ishte pikërisht Vajushi që hapi serinë e golave për skuadrën e tij, teksa në minutën e 57-të, me një gjuajtje të bukur brenda zone e ndali topin në fundin e rrjetës.
Vlen të theksohet se ky është goli i dytë radhazi në kampionat për Vajushin, që shënoi edhe 4 ditë më parë ndaj Csikszereda.
29-vjeçari konfirmon se është duke kaluar një formë shumë të mirë dhe shpreson të vazhdojë kështu edhe në të ardhmen, për të ndihmuar skuadrën në arritjen e objektivave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
