Massimilliano Allegri kërkon të rikthehet edhe më i fortë në pankinë . Pas largimit prej disa kohësh italiani është tentuar nga Real Madridi për arsye se Zinedine Zidane është me një këmbë larg ‘’ Santiago Bernabeut ‘’. 53 vjeçari ka fituar shumë pikë sidomos me dominimin e Juventusit në të gjitha sferat në Calcio dhe orët e fundit sipas portalit ‘’ Juvefc ‘’ Napoli ka treguar interes për të. Por as nga Premier League nuk kanë munguar ofertat për Massimiliano Allegrin .
Tottenham Hotspuri kërkon të kthejë faqe pas dështimit me Jose Mourinhon dhe vetë presidenti Daniel Levy ka kontaktuar për t’ia mbushur mendjen të transferohet në ‘’ White Hart Lane ‘’ . S’duhet anashkaluar as opsioni i Juventusit që ka marrë më tepër forcë sidomos pas fitimit të kupës që nuk i la me duar bosh bardhezinjtë . Në ‘’ Allianz Stadium ‘’ Massimilliano Allegri do të kujtohet gjatë por edhe projekti i napolitanëve shikohet si shumë ambicioz .
Dështimi i Gennaro Gatussos e ka detyruar presidentin Aurelio Di Laurentis të përqëndrohet tek ky profil sepse karakteri fitues dhe sidomos eksperiencat e mëparshme të trainerit nga Livorno e bëjnë Napolin të shpresojë për arritjen e sukseseve në Itali dhe më gjerë .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
