Merkatoja e Chelseat vazhdon të hasë shumë pengesa . Londinezët akoma nuk e kanë gjetur formulën për të firmosur me Erling Haaland por drejtuesit e tyre janë lodhur nga pritja e stërgjatur dhe e kanë vënë fokusin tek një tjetër golashënues . Kryeqytetasit i kanë qëndruar besnikë pistës Robert Lewandovski dhe kanë filluar negociatat me agjentin e polakut Pini Zahavi . Lajmi është raportuar nga britanikja ‘’ The Sun ‘’ ku deklarohet se ky operacion do të jetë shumë i ndërlikuar për arsye se 32 vjeçari është shëndërruar në një idhull tek Bayern Munchen.
Gjermanët janë të vetëdijshëm se largimi i mundshëm i ishi-t të Borussia Dortmundit nga ‘’ Allianz Arena ‘’ do ti prishte ekuilibrat e një skuadre që aspiron gjithmonë për tituj dhe më e keqja do të ishte se do të fuqizonin një kundërshtar të mundshëm në Uefa Champions League . Kontrata e sulmuesit të lindur në Varshavë mbetet në fuqi deri në 2023-shin por e ardhmja do të varet nga negociatat që do të vijojë Pini Zahavi , marrëdhëniet e të cilit me gjermanët janë ftohur në muajt e fundit , fakt që shkon në disfavor të kampionëve në fuqi të Bundesligës.
Para pak kohësh Bayerni mori një shuplakë të fortë me largimin e David Alabas tek Real Madridi dhe gjithashtu faktin e mos arritjes së akordit së rinovimit me mesfushorin Leon Goretzka . Kjo situatë konceptohet si kaotike por në ditët vijuese pritet edhe reagimi i gjigandëve të Bavarisë në lidhje me këtë situatë .
Nga ana tjetër 6 herë kampionët e Premier Leagues janë duke fërkuar duart sepse transferimi i Robert Lewandovskit në ‘’ Stamford Bridge ‘’ do ti garantonte Thomas Tuchelit eksperiencën e munguar në sulm pa anashkaluar shtimin e produktivitetit sepse mbetet një ndër sulmuesit më rezultativë në qarkullim .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
