Mungesa e akordit për rinovimin e kontratës ndërmjet Napolit dhe Lorenzo Insignes është shëndërruar në një gangrenë për presidentin Aurelio Di Laurentis .
Italiani akoma se ka gjetur formulën e duhur për të blinduar qëndrimin e perlës së sulmit në ‘’ Diego Armando Maradona ‘’ dhe pas dere jo vetëm që janë pretendentë interesantë por janë shtuar me kalimin e ditëve .
Pas Milanit dhe Interit është Toronto që preferon transferimin e 30 vjeçarit në Major League Soccer .
Ndër vite Amerika ka shërbyer si trampolinë për lojtarët e mëdhenj për ta finalizuar karrierën në një kampionat që ka fituar shumë pikë duke u shëndërruar në një destinacion potent për yjet në Europë . Sipas ‘ Calciomercatos ‘ deklarohet se amerikanët kanë vënë mbi tavolinë një ofertë të bujshme për kampionin në fuqi të Europës me ‘’ Azurrët ‘’ sepse kërkojnë që të ngrejnë nivelin e skuadrës me ekstremin napoletan.
Gjithsesi ashtu siç parashikohej ‘’ Il Partenopei ‘’ nuk pranojnë të dorëzohen sepse janë të vetëdijshëm për rëndësinë e ishi-t të Pescarës në skemat e Luciano Spalletit dhe duan të vijojnë ecurinë e mrekullueshme në Serinë A duke u mbështetur përsëri tek kontributi i ‘’ Lorenzinhos ‘’.
Fakti se nuk e ul pretendimin mund të interpretohet edhe si një vetëvlerësim për gjithçka që i ka dhënë Napolit, drejtuesit e të cilit duhet të sforcohen për të penguar largimin e tij .
Me 400 ndeshje të luajtura , 114 gola dhe 91 asiste në 10 vite, Lorenzo Insigne është shëndërruar në një idhull për tifozerinë e zjarrtë napoletane dhe parashikohet se Aurelio Di Laurentis nuk do ta lërë me kaq sepse konsiderohet një pjesë kyçe e italianëve .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
