Trajneri i njohur i skuadrës së Uruguait, Oskar Tabarez, ishte një nga protagonistët që ra në syrin e të gjithë në sfidën që skuadra e tij fitoi me rezultatin 1-0 përballë Egjiptit.
Tekniku 71-vjeçar vuan që nga vitit 2006 nga sëmundja “Guillain-Barre”, e cila prek sistemin nervor të njeriu dhe shkakton dobësimin e muskujve te gjymtyrët, duke mos përjashtuar as paralizën.
Në momentin që Gimenez realizoi golin e fitores kundër Egjiptit në minutat e fundit, Tabarez u ngrit nga stoli për të festuar golin duke harruar për pak minuta sëmundjen e tij.
Oskar Tabarez është trajneri që ka më shumë eksperiencë në Kampionatin Botëror duke marrë pjesë në katër të tillë.
I pari ka qenë në vitin 1990, i dyti në vitin 2010, i tretë në 2014 dhe Botërori që po zhvillohet në Rusi është i katërti për të.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
