Dëmtimi i Gabriel Jesus i ka vënë në lëvizje drejtuesit e Arsenalit për të kërkuar një zëvëndësues të denjë për vijimësinë.
Momentalisht ‘’ Topchinjtë ‘’ janë lider të Premier Leagues dhe objektivi është evitimi i gabimeve, të cilat mund ti kushtojnë shtrenjtë deri në fundin e sezonit.
Për këtë arsye kanë menduar të shtojnë cilësinë në metrat e fundit dhe ai që ka tërhequr vëmëndjen e Mikel Artetas është Cody Gapko.
Sulmuesi zhvilloi ndeshje të mira me Hollandën në Botërorin e Katarit dhe për shërbimet e tij janë interesuar Bayern Munchen , Manchester United dhe Real Madridi, të cilët do të zhvillojnë një duel shumë të ashpër në merkaton dimërore që do të startojë në datën 1 janar.
22 vjeçari konsiderohet një ndër më të talentuarit e arenës europiane dhe e ka ndihmuar Psv Endhovenin për të bërë përpara , me 16 gola dhe 15 asiste në 37 sfida duke iu referuar sezonit aktual dhe sipas specialistëve klasifikohet ndër më të mirët e Eredivisies.
Ekipi i drejtuar nga ish golashënuesi Ruud van Nisterlooy ka një shans shumë të mirë për të mbushur arkat me largimin e Cody Gapko-s nga ‘’ Phillips Stadion ‘’ por paraprakisht drejtuesit e Psv Eindhovenit kanë theksuar se nuk do të pranojnë më pak se 60 milionë euro për referentin kryesor të ofensivës së ‘’ Los Rojiblancos ‘’.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
