Trajneri i Kombëtares Shqiptare, Kristian Panuçi, në një intervistë të dhënë për Goal.com ka folur për gjendjen ku ndodhet ish-skuadra e tij, Real Madrid, dhe për teknikun Solari.
Trajneri kuqezi i doli në krah trajnerit akutal të Realit, Santigo Solari, për të cilin tha se duhet të bëjë të njëjtën punë si Zidane.
“Zidan fitoi tri herë Ligën e Kampionëve. Ta bësh këtë gjë, duhet të jesh një trajner i mirë dhe kam besim se edhe Solari do të arrijë ta bëjë. Kur një trajner i ri bën gjëra të mira, është mirë për të gjithë”, tha ai.
Në vijim Panuçi foli dhe për aventurën e tij të rë në krye të stolit të Shqipërisë. Ai shtoi se do e kishte më të lehtë për të drejtuar Realin se sa Shqipërinë.
“Ne kemi arritur qëndrueshmërinë. Unë mendoj se është një kompeticion i rëndësishëm. Nuk bëmë mirë, por qëndruam në Ligën C. Duhet të bënim shumë më mirë, por siç thashë edhe në Shqipëri duhet që të trajnohemi dhe të përgatitemi më mirë.Është më e lehtë për të trajnuar Real Madridin sesa Romën apo Shqipërinë”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
