Pas tërheqjes së Liverpoolit për Jude Bellingham ditën e djeshme, Manchester City ka fituar terren dhe momentalisht konsiderohet në avantazh për të marrë shërbimet e mesfushorit.
Lajmi është bërë i ditur nga ‘ ESPN ‘ por s’duhet përjashtuar as Real Madridi , konkurrent shumë i fortë për bardhekaltërit.
Gjithsesi ‘’ Galaktikët ‘’ e kanë të qartë se s’mund të maten me anglezët në aspektin ekonomik dhe ndoshta ky fakt mund të rezultojë determinant për skuadrën e Pep Guardiolas gjatë verës.
Dyshimet për qëndrimin e Bernardo Silvas dhe Ilkay Gundogan patjetër që i kanë vënë në lëvizje drejtuesit , të cilët synojnë ti ofrojnë një të ardhme ndryshe 19 vjeçarit dhe ta rikthejnë në Angli .
Një tjetër avantazh për Manchester City-n është se drejtuesit gëzojnë marrëdhënie të shkëlqyera me ato të Borussia Dortmundit për arsye se në të kaluarën kanë arritur me sukses akordet për Erling Haaland dhe Manuel Akanjin .
Megjithatë , kurrsesi s’duhen nënvlerësuar madrilenët , pasi e kanë treguar në çdo merkato potencialin me transferimin e lojtarëve cilësorë ndër vite, të cilët do të zhvillojnë një supersfidë gjatë merkatos verore , me kampionët në fuqi të Premier Leagues.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
