Duket se eksperienca e Neymar Juniorit në Arabinë Saudite do të përfundojë së shpejti.
Sulmuesi vijon të jetë shumë i lidhur me Brazilin dhe flitet për një rikthim tek Santosi, aty ku e mori famën në futboll.
Këtë lajm e ka konfirmuar presidenti i brazilianëve Marcelo Teixeira, i cili e mirëpret asin e kombëtares ‘’ Seleçao ‘’, ndërkohë që ky i fundit po rikuperohet nga një dëmtim i rëndë në gju.
Këtë ide e përforcon një deklaratë e 32 vjeçarit në të kaluarën kur ishte pjesë e Paris St Germain, i cili u shpreh se në të ardhmen dëshiron të ribashkohet me bardhezinjtë.
Besohet se nuk është vetëm një vendim emotiv por edhe komercial dhe sidomos sportiv, duke qenë se prezenca e Neymar Juniorit do ti jepte shumë avantazhe ecurisë së skuadrës së zemrës.
Kapaciteti i ishi-t të Barcelonës është i padiskutueshëm, një referent edhe tek ‘’ La Canarinha ‘’, sulmues i cili fitoi çdo trofe me spanjollët në të kaluarën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
