Problemet e Antonio Rudiger tek Chelsea s’kanë të mbaruar . Mbrojtësi akoma nuk e ka rinovuar me kryeqytetasit duke e vënë seriozisht në rrezik qëndrimin në ‘’ Stamford Bridge ‘’ .
Këtë pistë vijon ta ndjekë me shumë kujdes Real Madridi që e ka bërë të qartë prej kohësh se kërkon transferimin e gjermanit pasi është një garanci absolute në prapavijë .
Merkatoja e janarit pritet të jetë me shumë histori për ‘’ Galaktikët ‘’ të cilët kanë në fokus edhe Mbappen dhe Pogban sepse duan të rikuperojnë terrenin e humbur ndër vite , sidomos me largimin e Cristiano Ronaldos .
Dëshira e madhe e kryeyqtetasve pritet të përballet me rezistencën e ‘’ Bluve të Londrës ‘’ sepse nuk duan ta humbasin sepse do t’ia prishnin skemat trainerit Thomas Tuchel i cili me aq shumë sakrifica arriti ti dhurojë Champions Leaguen e dytë në histori anglezëve .
Largimi i 28 vjeçarit do të ishte një humbje e madhe për Chelsean sepse do të prishte ekuilibrat në mbrojtje dhe për më tepër do të fuqizonte një kundërshtar të mundshëm në Europë ku do të gjente mbështetjen e shumë yjeve sepse ‘’ Los Blancos ‘’ ëndërrojnë të jenë përsëri protagonistë në çdo kompeticion .
Nëse spanjollët do t’ia arrijnë qëllimit , gjigandëve të Premier Leagues nuk do ti mbeste opsion tjetër veçse tentimit përsëri për Jules Kounden , i cili preferohet nga Thomas Tuchel dhe vlera e tij aktualisht në treg është 60 milionë stërlina . Mënyra e lojës së ishi-t të Romës pëlqehet nga Carlo Ancelotti sepse është shumë i fortë në luftën në ajër dhe di ta menaxhojë topin në mënyrë perfekte pa harruar edhe guximin drejt portave kundërshtare .
Këto elementë natyrisht që ia lartësojnë figurën Antonio Rudiger dhe e justifikojnë insistimin e madrilenëve për një lojtar që ka ngjitur shumë shpejt majat me Chelsean . ‘’ Los Merengues ‘’ s’duan të humbasin më kohë por të formojnë një ekip kompetitiv dhe të përsërisin sukseset e të kaluarës për të mos mbetur në vendnumëro sepse i kanë të gjitha shanset për të vendosur diktatin në çdo turne pjesëmarrës në të ardhmen .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
