Agjenti Mino Raiola, ka zbuluar së fundmi se sulmuesi francez, Marcus Thuram ishte shumë pranë kalimit te Interi në merkaton e verës.
Zikaltërit pas largimit të Lukakut, kishin zgjedhur Thuramin si zëvendësues, por dëmtimi i këtij të fundit bëri që klubi italian të ndryshojë objektiv dhe më pas afruan Joaquin Correa nga Lazio.
“Unë nuk mendoj vetëm për paratë, por edhe për të mirën e futbollistëve. Transferova Marcus Thuram nga Guingamp te M’Gladbach dhe ai u rrit ndjeshëm. Në verë ishte shumë pranë transferimit te Interi, por u dëmtua dhe kalimi dështoi. Tani ai është pjekur dhe rritur ndjeshëm, ndaj jam i bindur se do të bëjë mirë në çdo klub”, deklaroi Raiola.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
