Giroud i gatshëm për ndërrim ambienti

 Olivier Giroud  vazhdon në mënyrë të paluhatur rishikimin e pozicionit të tij . Oferta mbi tavolinë për  rinovim nuk është cilësuar e mjaftueshme nga francezi  që kërkon me çdo kusht largimin nga Chelsea . I tenjgopur me mungesën e  protagonizmit tek kryeqytetasit  34 vjeçari mendon se fillimi i një tjetër aventure do të ishte me interesant duke qenë se është në hapat e fundit të karrierës.  Sipas ‘’ Goal ‘’ konkurrenca e ashpër që ekziston ndërmjet tij dhe Timo Werner e ka lodhur sepse gjermani cilësohet si i preferuari i bashkombasit Thomas Tuchel  edhe pse javët e fundit kanë shënuar rënie në rendimentin e ishit të Leipzigut .  27 ndeshjet e kanalizuara në vetëm 1100 minuta të luajtura mbetën një shifër inferiore në lidhje me pretendimet e Olivier Giroud pavarësisht moshës që mban mbi supe.

 Me këto fakte  determinohet qartësisht se aventura e lojtarit të lindur në Chambery në Londër është e konsumuar dhe  se fundmi në garë për të marrë shërbimet e tij është hedhur Lyoni.  Kompromisi me çdo skuadër që është aktivizuar i shoqëruar me urinë për sukses nuk kishte se si ti mbyllte derën sulmuesit shtatlartë . Një rikthim në Francë  do të perceptohej si një lëvizje llogjike nga ky i fundit për shkak se e njeh  shumë mirë këtë ligë për shkak të eksperiencave të mëparshme me Grenoble , Istres , Tours dhe Montpellier.

Kjo situatë nuk thekson  vetëm një rikthim në fillimet e tij por një ndryshim drastik në lidhje me kualitetin .  Por duhet të evidentohet se pistat e të ardhmes nuk mbarojnë me kaq sepse flitet për interesin e mundshëm edhe të Atletico Madridit. Loja  e praktikuar nga Olivier Giroud mbetet tingëllon si një arsye e fortë sidomos për Lyonin sepse do ti krijonte lehtësira të pafundme skemave të ndërtuara nga  Rudi Garcia për shkak të nuhatjes për golin dhe  faktit se është një lojtar shumë i fortë në luftën një kundra një .