Lazer në sytë e portierit të Danimarkës gjatë penalltisë, UEFA hap proces disiplinor për Anglinë

UEFA ka hapur një proces disiplinor për Anglinë, në lidhje me disa veprime të tifozëve në gjysmëfinalen e Europianit ndaj Danimarkës. Nëpërmjet një komunikate të bërë mëngjesin e sotëm, UEFA njofton se ndaj Anglisë është hapur një proces displinor, në lidhje me 3 akuza, por më kryesori është një lazer që shqetësoi portierin e Danimarkës, Kasper Schmeichel, gjatë penalltisë së Harry Kane.

Ky i fundit në minutën e 104 në shtesa, pa që gjuajtja e tij të ndalej fillimisht nga portieri danez, por duke ndjekur aksionin, ia doli që në fund ta dërgonte topin në rrjetë. Megjithatë në media është shfaqur një moment kur tifozë të Anglisë shqetësojnë me lazer portierin Schmeichel dhe për këtë arsye tashmë UEFA ka nisur një hetim.

Schmeichel nuk arriti të mbronte dot portën, pasi Kane shënoi duke çuar Anglinë në finalen me Italinë të dielën.

Here you can see how the green laser is pointed at Kasper Schmeichel just before the penalty kick pic.twitter.com/6w5s43rjuY

— Rasmus Vuori (@rasmusvuori) July 7, 2021

Gjithashtu Anglia akuzohet për zhurmë dhe ndezje të fishekzjarrëve kur po këndohej himni i Danimarkës.

"Çështja do të hetohet nga Organi i Kontrollit, Etikës dhe Disiplinës së UEFA në kohën e duhur," tha në një deklaratë organi drejtues i futbollit Evropian.

Gjatë himnit kombëtar danez u dëgjua një brohoritje dhe që është kritikuar nga zëdhënësi zyrtar i kryeministrit Boris Johnson.

"Ne nuk duam që tifozët të bëjnë shaka me skuadrat", tha zëdhënësi. "Ne duam që tifozët të tregojnë mbështetje dhe të jenë të respektueshëm.

UEFA po e shikon këtë çështje, por nuk është diçka që ne do të dëshironim ta shihnim."

Shoqata e Futbollit dhe zyrtarët e UEFA kërkuan personin që i drejtoi lazerin portierit, por pa sukses.