Klubi i Bylis, po zhvillon një sezon të shkëlqyer në Kategorinë e Parë dhe janë në rrugën e duhur, për ngjitjen në Superiore.
Pavarësisht se ndodhen në krye të renditjes, ballshiotët përsëri kanë afruar lojtarë për tu përforcuar.
Së fundmi, Bylis ka njoftuar afrimin e katër futbollistëve. Bëhet fjalë për mbrojtësin e krahut, Angjelo Toska, mesfushorin Laert Papa, sulmuesin Elvi Berisha dhe mesfushorin Skerdilajd Levendi.
Njoftimi i klubit:
Katër firma te Bylisi!
Futboll klub "Bylis" njofton zyrtarizimin e marrëveshjes me 4 futbollistë në limitet e merkatos.
Angjelo Toska, mbrojtës krahu i datëlindjes 2001, i cili se fundmi ka qenë pjesë e skuadrës se njohur, Panahaiki ne Superligën 2 te Greqisë.
Laert Papa, mesfushor (winger i djathtë), i datëlindjes 2003, pjesë e kombëtareve të moshave kuqezi nga U-15 deri në U-19. Papa vjen pas eksperiencës si pjesë e klubit të madh grek, AEK i Athinës.
Elvi Berisha, sulmuesi 24-vjeçar që së fundmi ka qenë pjesë e Flamurtarit dhe më parë ka luajtur edhe me Apoloninë, Laçin, Tiranën dhe Skënderbeun.
Skerdilajd Levendi, 22-vjeçar, mesfushor me tipare sulmuese, që së fundmi ka qenë pjesë e Lushnjës dhe më parë ka veshur fanellat e Apolonisë dhe Egnatias në Superiore!
Iu urojmë mirëseardhjen në familjen tonë të madhe!
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
