Supersfidë spanjolle për Marc Guehi

 Duket se ‘ Superclasicot ‘ ndërmjet Barcelonës dhe Real Madridit do të zhvillohen edhe në merkatot vijuese.

Si ‘’ Los Cules ‘’ ashtu edhe ‘’ Los Blancos ‘’ e kanë të domosdoshëm përforcimin e prapavijës dhe objektivi i tyre aktivizohet në Premier League.

Bëhet fjalë për Marc Guehi, i cili mbron ngjyrat e Crystal Palaces. 

25 vjeçari e përfundon kontratën me londinezët në qershorin e 2026-tës, ç’ka do të thotë se nga 1 janari i vitit vijues është i lirë të negociojë me cilindo klub që dëshiron. 

Duhet kujtuar se në merkaton e verës lojtari i lindur në Abixhan të Bregunt të Fildishtë ishte shumë afër kalimit tek Liverpooli por insistimi i drejtuesve të Crystal Palaces për të qëndruar në ‘’ Selhurst Park ‘’ ishte më i madh.

 Përfundimi i kontratës përbën një avantazh si për ‘’ Blaugranët ‘’ ashtu edhe për kryeqytetasit, dy klube shumë të suksesshëm, referentë natyrisht në Spanjë dhe më gjerë. 

Megjithatë, situata aktuale e Real Madridit dhe Barcelonës është e ndryshme në aspektin ekonomik dhe sigurisht i jep një lloj avantazhi ekipit të Xabi Alonsos. 

Tashmë traineri Oliver Glasner është i përgatitur për largimin e një ndër lojtarëve më cilësorë të 11-shes pasi interesit të ‘’ Los Merengues ‘’ dhe të kuq e bluve asnjë prej tyre nuk mund ti rezistojë.