Prurjet e Paris St Germain deri më tani janë konsideruar shumë të suksesshme . Parizienët kërkojnë shkëlqimin edhe në Champions League , turne i cili mbetet një detyrim për të besuarit e Mauricio Pochettinos .
Megjithatë merkatoja e kryeqytetasve ka filluar të demostrojë edhe anën tjetër të medaljes që lidhet me largimet . Drejt varjes së kepucëve në gozhdë ‘’ El Fideo ‘’e ka deklaruar se një ditë do të rikthehet tek dashuria e vjetër Rosario Central , aty ku filloi rrugëtimin drejt suksesit duke i tejkaluar parashikimet.
Për lojtarë të këtij kalibri rikthimi në shtëpi është një ndër etapat më të bukura të karrierës sepse dëshmojnë se nuk e kanë harruar klubin ku u rritën . Sipas OneFootball eksperiencës së 33 vjeçarit në Europë po i vjen fundi dhe dëshira është rikthimi në Argjentinë .
Gjithsesi suksesi me ‘’ Albicelestët ‘’ pa dyshim konsiderohet një kënaqësi ndryshe për ishi-n e Manchester United i cili mendon se ka shumë për të dhënë tek ‘’ Les Pariziens ‘’ që është drejt formimit të një ekipi ëndërrash . Por Rosario Central gjithmonë i ka ofruar mbështetjen dhe në rast se një ditë do të vendosë të hedhë këtë hap tek do të ishte një privilegj për institucionin në fjalë .
Gjatë karrierës Angel Di Maria ka patur fatin të luajë përkrah lojtarëve më të mirë në planet dhe tashmë ka vendosur të rikthejë kokën prapa për ta finalizuar futbollin e luajtur ashtu siç e ka ëndërruar .
Angel Di Maria me shokë më në fund i dhanë një lumturi shumë të madhe popullit argjentinas duke mundur Brazilin në finalen e madhe dhe më në fund hodhën pas shpine '' dështimin " shumë vjeçar .
Finalizimi i sezonit prej 43 ndeshjesh , 15 asistesh dhe 5 golash i dha shansin e këtij hapi historik i cili do të mbetet gjatë në memorien e ‘’ Albicelestëve ‘’ .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
