Nga Spanja raportojnë se Erlind Haaland ka futur në ‘luftë’ Real Madrid dhe Barcelonën. Nuk dihet se sa e vërtetë mund të jetë, por një ndihmës i një prej kandidatëve për president te Barcelona ka thënë se në rast se fitojnë zgjedhjet norvegjezi do të jetë i tyre.
Ndërkohë sipas ‘AS’ Real Madrid po punon prej kohësh për këtë pistë dhe madje ka një akord me agjentin Raiola për futbollistin e Borussia Dortmund. Bëhet fjalë për vetën e vitit 2022 kur edhe vlerat në merkato të kapin sërish pikun pas goditjes nga pandemia.
Sakaq në këto ditë festash ka lëvizur edhe Marseille, e cila është futur në garë për sulmuesin e Napolit, Milik. Polaku që ka kontratë me italianët deri në verë po ndiqet edhe nga Atletico Madrid, por diferencën do ta bëjë skuadra që kënaq pretendimet e Napolit, që nuk ka ndërmend të heqë dorë pa 16 mln euro.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
