Eliminimi nga Kupa e Kosovës, i ka kushtuar shtrenjtë trajnerit të Dritës, Ardian Nuhiu.
Ky i fundit është shkarkuar nga drejtimi, ndonëse skuadra e tij mban vendin e parë në renditje.
Pas humbjes 2-1 me Lirinë e Prizrenit, çka solli edhe eliminimin e Dritës nga Kupa, drejtuesit kanë vendosur të shkarkojnë trajnerin Nuhiu.
“Klubi ka vendosur që të shkëpusë kontratën me trajnerin Ardian Nuhiu. Pas humbjes nga Liria në konsultim me presidentët kemi ardhur në përfundim që të ndërpresim bashkëpunimin me Nuhiun. Arsyeja kryesore që ka ardhur deri te ndërprerja e bashkëpunimit është eliminimi nga Kupa e Kosovës”, thuhet në njoftimin e klubit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
