Problemet e hasura për rinovimin e kontratës me Ousmane Dembele nuk i kanë lënë rrugë tjetër Barcelonës veçse të kërkojnë një lojtar që mund ta mbushë boshllëkun kur francezi të largohet nga ‘’ Camp Nou ‘’ .
Katalanasit kanë zgjedhur bashkombasin Kingsley Coman dhe mbi këtë operacion nuk e përjashtojnë shkëmbimin kokë më kokë me yllin e Bayern Munchen . Sipas gjermanes ‘ Bild ‘, rekordmenët e Bundesligës mund ta vlerësojnë këtë pistë e cila në plan të parë vlerësohet shumë interesante sepse të dy këto lojtarë të bëjnë të shpresosh .
Situata e 25 vjeçarit në Mynih është e njëjta me atë të Dembeles në Katalunjë sepse çuditërisht nuk e kanë gjetur zgjidhjen me skuadrat respektive dhe janë shumë afër largimit gjatë merkatos së janarit .
Avantazhi në këtë histori është se si Xavi Hernandez ashtu edhe Julian Nagelsmann i kanë dhënë dritën jeshile realizimit të këtij shkëmbimi sepse nuk duan të humbin kohë për arsye se i pret një punë intensive në fazën e dytë të sezonit e cila do të jetë definitive për fatet e këtyre skuadrave .
Nëse i referohemi objektivave të spanjollit , vijon ti jetë besnik 4-3-3-shit që i prodhoi aq shumë suksese ‘’ Los Cules ‘’ në të kaluarën dhe beson se transferimi i Kingley Coman tek kuq e blutë mund ta ndihmonte repartin e avancuar për të funksionuar ndryshe në të ardhmen, ndërsa Ousmane Dembele do të kishte një tjetër shans për të hedhur pas krahëve eksperiencën e vështirë sepse të qënit pjesë e Bayern Munchen herët a vonë çdo lojtar i të tilla niveleve ka arritur të triumfojë sepse është një skuadër e cila çdo sezon njeh vetëm suksese .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
