Granit Xhaka, vendosi të largohej nga Arsenali këtë verë, pjesë e të cilëve ishte prej 7 sezonesh. Mesfushori shqiptar, u rikthye në Bundesligën gjermane, aty ku ka firmosur me skuadrën e Bayer Leverkusen. Në një prononcim të dhënë së fundmi, Xhaka zbuloi edhe arsyen përse u transferua në Gjermani. “Kishte spekulime kudo se gruaja ime nuk ishte më e lumtur në Angli. Kjo nuk është aspak e vërtetë. Fakti është se si person jam gjithmonë i interesuar për sfida të reja. Pas shtatë vitesh, kishte ardhur koha për diçka të re. Kampionati nuk është i ri, por klubi është. Gjatë bisedimeve me Simon Rolfes [drejtorin sportiv] dhe Xabi Alonso, ndjeva se projekti afatgjatë në Leverkusen ishte i vlefshëm dhe se ishte 100% në përputhje me mua”, deklaroi Xhaka.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
