Stanislav Lobotka, mund të transferohet te Barcelona në merkaton e verës. Katalanasit janë në kërkim të një mesfushori që luan para mbrojtjes dhe lojtari i Napolit, pëlqehet shumë, sidomos nga presidenti Joan Laporta.
Te Barcelona kanë nisur nga puna për ta afruar Lobotkën, teksa kjo u konfirmua edhe nga vetë agjenti i lojtarit, Jarusek.
“Me Decon kemi folur shpesh për Lobotkën gjatë kësaj kohe dhe nëse vjen një ofertë konkrete, atëherë do të ulemi të diskutojmë me klubin. Ai është thuajse 30 vjeç dhe nuk i kanë mbetur shumë vite si profesionist, ndaj dëshiron të luajë me një skuadër që lufton për Champions. Mund t’u them se edhe vetë futbollisti është i joshur nga ideja për t’u bashkuar me Barcelonën, pasi i kanë bërë përshtypje edhe fjalët e Xavit”, u shpreh agjenti i Lobotkës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
