Milani, gjen mbrojtës tek Chelsea

Mbetja në prapavijë e ka vënë në pikpyetje të ardhmen e Axel Disasit në ‘’ Stamford Bridge ‘’.

Traineri Enzo Maresca ka lënë për të kuptuar se mbrojtësi duhet të gjejë një tjetër ekip dhe në fakt në orët e fundit drejtuesit e Milanit i kanë trokitur në derë. 

Të qënit i pretenduar nga kuqezinjtë sigurisht përbën një vlerësim për 27 vjeçarin, i cili gjatë merkatos dimërore mund të përfundojë duke luajtur në ‘’ San Siro ‘’.

 Italianët kanë filluar të veprojnë me qëllimin e konsolidimit të ekipit, për të përballuar një fazë të dytë e cila parashikohet tejet kompetitive. 

Sipas ‘ Calciomercatos ‘, ishi i Monacos është i duhuri për ekipin e Massimilliano Allegrit, i cili kërkon medoemos protagonizmin në çdo kompeticion. 

Ndërkohë, drejtuesit e ‘’ Bluve të Londrës ‘’ janë shprehur të gatshëm të negociojnë për huazimin e Axel Disasit, një lojtar i sprovuar, i cili ofron siguri. 

Përveç Milanit edhe Besiktasi bashkë me Lyonin kanë shfaqur interes për shërbimet e tij, i cili ndiqet prej kohësh nga ish traineri i Juventusit. 

Tek shtatë herë kampionët e Champions Leagues nxënësi i Enzo Marescas do të ketë mundësinë të fillojë një tjetër eksperiencë por gjithçka do të varet nga dëshira e tij dhe negociatat ndërmjet palëve.