Mesfushori Granit Xhaka, ka zbuluar se vitin e kaluar ishte pranë transferimit te skuadra e Romës, por ishte trajneri i Arsenalit, Mikel Arteta, që e mbajti në skuadër.
Në një intervistë të dhënë së fundmi, futbollisti shqiptar, ka folur me fjalë të mëdha për Artetën, duke thënë se është një nga trajnerët më të mirë që ka pasur ndonjëherë.
Pa të nuk do të isha më në këtë klub. Arteta më ndihmoi shumë kur isha poshtë. Më mori mënjanë dhe me gjëra të vogla, hap pas hapi, ai më ndihmoi edhe me tifozët. Kam pasur shumë trajnerë, por duhet të them që Arteta është nga më të mirët që kam pasur ndonjëherë.
A isha pranë Romës? Po, kishte diçka. Sa afër? Shumë afër. Asgjë nuk u bë sepse Arteta dhe Edu, drejtori teknik, nuk më lanë të shkoja, donin të qëndroja këtu.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
