Jorgo Pëllumbi është zyrtarisht lojtari më i ri i Kukësit. Mbrojtësi dhe kapiteni i Shqipërisë U-21, ka firmosur ditën e sotme me verilindorët.
“MCN” mëson se 21-vjeçari do të luajë i huazuar te Kukësi nga kroatët e Varazdin, deri në fund të sezonit, teksa do të jetë pjesë e skuadrës verilindore edhe në Kupat e Europës, nëse ata marrin pjesë.
Një goditje e rëndësishme për Kukësin në mbrojtje, pasi Pëllumbi e njeh mirë kampionatin shqiptar, për shkak se në të kaluarën ka luajtur me Skënderbeun, me të cilët tregoi paraqitje mbresëlënëse, çka solli edhe kalimin në elitën e futbollit kroat te Varazdin.
Longo merr një afrim të rëndësishëm në prapavijë dhe tashmë skuadra e tij mund të quhet e kompletuar për të synuar deri në fund titullin kampion.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
