Një prej objektivave të drejtuesve të Paris St Germain për merkaton e ardhshme do të jetë përforcimi i sulmit.
Tek kryeqytetasit kanë filluar tratativat për ta zgjidhur sa më shpejt këtë problem, të cilët e kanë fokusuar vëmëndjen tek Ademola Lookman.
Ylli i Atalantës po lë gjurmë nën urdhërat e Gian Piero Gasperinit dhe kontrata i përfundon në 2026-tën.
Paraqitjet dinjitoze në metrat e fundit sigurisht kanë ndikuar në rritjen e vlerës së kartonit, e cila momentalisht i arrin 40 milionë eurot.
Cilësitë si teknika dhe shpejtësia ia kanë shansin të adaptohet në disa pozicione të repartit të avancuar dhe ia ka shpërblyer besimin e dhënë numrit një të stolit.
‘’ Les Pariziens ‘’ natyrisht janë një ekip i fuqishëm në aspektin ekonomik por duhet kujtuar se 27 vjeçari vjen pas një sezoni shumë të mirë me ‘’ Mbretëreshën e Italisë ‘’ pasi në sezonin e shkuar e fitoi Europa Leaguen, pikërisht me tre golat e anglezit në finale kundër Bayer Leverkusenit.
Kur bëhet fjalë për Nasser Al Khelaifin, dihet se ofertat e sheikut kanë rezultuar gjithmonë tunduese, falë të cilit për shumë vite me rradhë në ‘’ Parque de Prince “ janë transferuar shumë yje të futbollit botëror.
Javët vijuese do të jenë shumë të rëndësishme për vijimësinë e Ademola Lookman në karrierë, i cili gjatë karrierës ka provuar veten në disa ekipe, si përshembull Everton, Leipzig, Fulham apo Leicester City dhe si duket e ka gjetur komoditetin tek bergamaskët, një ekip shumë i sikletshëm për çdo rival.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
