E përditshmja zviceriane “Blick” i ka kushtuar një artikull të veçantë sulmuesit Albian Ajeti i cili është vëllai i mbrojtësit të kombëtares shqiptare, Arlind Ajeti.
Bomberi që aktivizohet me skuadrën e Baselit, ka vendosur të përfaqësojë kombëtaren e Zvicrës dhe jo atë të Shqipërisë. Dhe për këtë zgjedhje Ajeti nuk pendohet edhe pse Shqipërinë e konsideron si shtëpinë e familjes së tij.
“Eshtë shtëpia e familjes sime. Megjithatë, vendosa të luaj për Zvicrën dhe jo për Shqipërinë. Ishte e drejtë që zgjodha Zvicrën. Unë kam një vëlla binjak, Adonis, që po luan me Chiasson tani. Fati i tij erdhi tek unë. Ai u dëmtua dhe ka luftuar shumë për t’u kthyer në futboll. Vëllai im më i madh është Arlindi, i cili u kthye nga Italia dhe tani luan për Grasshopers. Kemi kontakte të përditshme. Vëllezërit janë shumë të rëndësishëm për mua”
Ajeti foli dhe për të ardhmen e tij për të cilën u shpreh:
“Kam plane të mëdha, i kam vendosur vetes qëllime shumë të larta. Për momentin, jam i përqendruar te FCB. Por, qartësisht, klubet e njohura jashtë Zvicrës mbeten qëllimi im afatgjatë.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
