Gjatë orëve të fundit një tjetër pretendent është futur në garë për Bernardo Silvan.
Portugezi prej kohësh është pjesë e listës e Barcelonës, skuadër e cila gjatë merkatos së verës do të masë forcat me Bayern Munchen.
Sipas portalit ‘ Barça Reservat ‘ drejtuesit e bavarezëve i kanë nisur negociatat me ato të Manchester City-t për arritjen e objektivit.
Momentalisht nuk dihet se cili trainer do të marrë drejtimin e ish rekordmenëve të Bundesligës por gjithsesi mesfushori po monitorohet me kujdes nga drejtuesit e një ndër klubeve më të famshëm në kontinentin e vjetër.
Për 29 vjeçarin, ‘’ Qytetarët ‘’ kanë përcaktuar një klauzolë për prishjen e kontratës prej 58 milionë eurosh, e konsiderueshme por jo problematike për presidencën e Bayern Munchenit.
Kontrata e ishi-t të Monacos me anglezët përfundon në qershorin e 2026-tës, determinant në 11-shen e Pep Guardiolas në sezonin aktual.
11 gola dhe 6 asiste në 44 sfida është kontributi i Bernardo Silvas për një ndër ekipet më kompetitive jo vetëm në Angli por edhe në Champions League dhe nuk përjashtohet fakti se e ardhmja e tij mund të ndryshojë shumë shpejt destinacion.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
