Juventusi vijon luftën në lidhje me sezonin vijues . ‘’ Zonja e Vjetër ‘’ ka blerë talentin e Santos Kaio Jorge për 3.5 milionë euro . Lajmi është publikuar nga gazetari i famshëm Pedro Almeida dhe e shëndërron transferimin e 19 vjeçarit në një ndër më interesantët e merkatos . Kontrata e sulmuesit merrte fund në muajin dhjetor por brazilianët kanë përfituar nga ky fakt për të mos rrezikuar largimin e tij me parametra zero .
Kaio Jorge do ti bashkohet projektit ambicioz të përpiluar Massimiliano Allegri që është mbështetur fort nga presidenti Andrea Agnelli. Pavarësisht moshës që mban mbi supe , me talentin që e karakterizon parashikohet ti sjellë shumë benefite italianëve në ofensivë edhe pse Seria A mbetet një ndër kampionatet më rivalizues .
Megjithatë objektivat e bardhezinjve s’do të ndalen me kaq sepse janë pranë firmosjes edhe me Manuel Locatellin dhe Miralem Pjanic , lojtarë që do ta pasuronin mesfushën . Italiani vjen pas një paraqitje të mrekullueshme në Europian ndërsa boshnjaku ka përjetuar një ndër eksperiencat më të vështira të karrierës tek Barcelona . S’duhet harruar as lista e largimeve që përbëhet nga emra si Rodrigo Betancur , Adrien Rabiot Arthur Melo .
Në lidhje me Kaio Jorge mund të thuhet se konsiderohet një ndër më të spikaturit në Amerikën e Jugut dhe tashmë do të ketë detyrën për të bindur Massimiliano Allegrin se nuk ka gabuar me zgjedhjen e bërë .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
