Prioriteti i Sevillas për merkaton verore do të jetë patjetër një qëndërsulmues sepse Julian Lopetegui nuk ka marrë rezultatet e pritura në repartin e avancuar gjatë fazës së parë të sezonit.
Kandidati i fundit i gjetur nga drejtori sportiv Monchi është shtatlarti i Wolfsburgut Wout Weghorst i cili po ecën me ritmin e duhur tek gjermanët .
Periudha e vështirë që po kalon Munir el Haddadi dhe huazimi i Luuk de Jong tek Barcelona e kanë vënë me shpatulla pas muri trainerin spanjoll i cili duhet të reagojë menjëherë për të mos të mos e prishur harmoninë e krijuar në ‘’ Sanchez Pizjuan ‘’.
Hollandezi e përfundon kontratën me Wolfsburgun në 30 qershorin e 2023-shit por fakti se drejtuesit e ‘’ Ujqërve ‘’ nuk kanë arritur akoma marrëvëshjen mbi rinovimin e kontratës me golashënuesin e vë në dyshim të ardhmen në ‘’ Volswagen -Arena ‘’.
Andaluzët kanë deklaruar se do të bëjnë çmos për ta transferuar referentin kryesor të sulmit të Wolfsburgut për ti dhënë një herë e mirë fund luhatjeve të cilat e kanë ndaluar produktivitetin e spanjollëve .
Wout Weghorst e ka filluar mirë sezonin dhe deri në këtë stad ka shënuar 5 gola në 15 takime dhe ka shanse për të zgjeruar suksesin edhe në Uefa Champions League , kompeticion në të cilin të besuarit e Florian Kohfeldt vijojnë akoma në luftë për kualifikimin për në fazën e 1/16-tave .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
