Romelu Lukaku do të luajë me Chelsea, pasi u largua nga Interi, ndonëse zyrtarizimi nuk ka ardhur ende. Sulmuesi ka mbërritur në Angli prej ditësh, por për shkak të rregullave të Covid-19, belgu është i detyruar të qëndrojë disa ditë në karantinë.
Por kur të gjithë presin zyrtarizimin e sulmuesit 28-vjeçar te Chelsea, ai ka firmosur një tjetër kontratë. Futbollisti ka vendosur të zgjasë bashkëpunimin me agjentin e tij, Federico Pastorello. Ka qenë vetë ky i fundit, i cili ka bërë publik akordin me lojtarin me anë të një postimi në “Instagram”.
Kujtojmë se Lukaku u largua nga Interi, për të kaluar te Chelsea, me klubin italian që nga kjo lëvizje do të përfitojë 115 milionë euro.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
