Kandidatë të fuqishëm për Kane

 Vera e kaluar e afroi shumë Harry Kane-n me Manchester City-n, çështje që ka mbetur pezull për bardhekaltërit të cilët me ngulm po kërkojnë një pykë pasi Guardiola e konsideron një domosdoshmëri për të ardhmen .

Daniel Levy sakrifikoi shumë për qëndrimin e ‘’ Uraganit ‘’ në ‘’ White Hart Lane ‘’ sepse Tottenhami i tij ka nevojë për fitimin e titujve , objektiv  i cili akoma s’po arrihet dhe mund të vërë në rrezik qëndrimin e  anglezit.

 Golashënuesi e përfundon kontratën me ‘’ Spursat ‘’ në 2024-tën dhe sipas  ‘ Sky Sport ‘ vera e ardhshme mund të jetë një periudhë definitive për të ardhmen e Harry Kane, lojtar që mendon se një ditë do ta shtrijë protagonizmin dhe e ka kuptuar se me kryeqytetasit nuk mund të bëjë më shumë .

Kandidatët sigurisht priteshin shumë të fortë në çdo aspekt ku kryesojnë pikërisht ‘’ The Citiziens ‘’ që kanë si prioritet fitimin e Champions Leagues dhe firmosja me 28 vjeçarin konsiderohet një hap më shumë drejt objektivit .

140 milionët e ofruara nga sheikët , llogjikisht do të superohen gjatë merkatos verore sepse Harry Kane është një alternativë tejet e përshtatshme nëse s’do të arrihet akordi me  Erling  Haaland .

Manchester City do të jetë i kërcënuar nga rivalët e përjetshëm , pra Manchester United që nuk ka ngurruar asnjëherë për transferimin e ishi-t të Leicesterit në ‘’ Pallatin e Endërrave ‘’ dhe duke ditur se Rashford dhe Cavani do ti thonë lamtumirë ‘’ Old Traffordit ‘’ , për të shmangur problematikat e mëtejshme , firmosja me Harry Kane do të ishte një sukses abosolut për britanikët.

Skenari normalisht do të ndryshonte tek ‘’ Djajtë e Kuq ‘’ sepse Cristiano Ronaldo do të gjente mbështetjen e një bishe në ofensivë dhe mund të qëndrojë tek një ndër klubet më të famshëm të planetit.

Por gjithmonë skuadrat e elitës kanë patur pas dere një personalitet që bën çdo gjë për skuadrën e zemrës .

Florentino Perez nuk do të ndalet deri sa t’ia shikojë veshur fanellën e ‘’ Los Blancos ‘’.

Me Benzeman drejt fundit të karrierës, ‘’  Galaktikët ‘’ po tentojnë rifresikimin e fazës sulmuese dhe transferimi i rradhës në ‘’ Santiago Bernabeu ‘’ duhet të jetë në të njëjtin nivel sepse filozofia e praktikuar gjithmonë është lidhur me yjet e elitës të cilët ia kanë shpërblyer sakrificat manjatit spanjoll.

22 gola dhe 5 asiste në 41 sfida flasin vetë dhe parashikohet se merkatoja verore do të jetë një fazë e nxehtë për këto pretendentë të cilët do të jenë pa dyshim protagonistë të saj.