Pas humbjes në derbi ndaj Partizanit, Tirana do të kërkojë të rikthehet te fitorja dhe përballë do të ketë një kundërshtar të vështirë siç është Laçit.
Bardheblutë i kanë detyrim 3 pikët dhe për këtë arsye do të synojnë me çdo kusht triumfin.
Sikur të mos mjaftonte kundërshtari i vështirë, te Tirana, duhet të bëjnë edhe me dy mungesa të rëndësishme.
Ndaj Laçit, nuk do të jenë dy mesfushorë të rëndësishëm. Bëhet fjalë për Fjoart Jonuzin, që u ndëshkua me karton të kuq ndaj Partizanit, por edhe Regi Lushkja, që ka plotësuar numrin e kartonëve të verdhë.
Dy mungesa të rëndësishme për trajnerin Fagu, që duhet të gjejë zgjedhje të tjera në mesfushë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
