Qatip Osmani: I kemi marrë masat për Skënderbeun

Trajneri i Vllaznisë, Qatip Osmani, foli për mediat, në prag të sfidës me Skënderbeut.

Osmani vlerësoi kundërshtarin, por shtoi se i kanë marrë masat për një rezultat pozitiv.

Skënderbeu është një ndër ekipet që luan futboll të bukur në Shqipëri. Masat që duhet të merren para çdo ndeshje sigurisht i kemi marrë dhe udhëtojmë në Korçë plot optimizëm për një rezultat pozitiv.

Çdo ndeshje, çdo kundërshtar thotë që duhet të ndalim Vllazninë, por ne nuk ngarkohemi. Por është futboll, është lojë e re, absolutisht nuk ngarkohemi.

Të dy portierët e parë janë të dëmtuar, por deri të hënën besoj se njëri prej tyre do të jetë i gatshëm.

Vllaznia ka qenë një ekip i shëndoshë, kompakt, i cili në të dy fazat e lojës luan shumë mirë. Do të bëjmë çmos të vazhdojmë këtë seri.