Mentaliteti fitues i Liverpoolit vijon t’ia mbajë të ndezur shpresën për transferimet interesante në verë . Jurgen Klopp nuk ka ndërmend të dorëzohet në këtë aspekt dhe ka deklaruar emrin e rradhës për transferimin në ‘’ Anfield Road ‘’ . Flitet për Kalvin Philips që po shkëlqen tek Leeds United . Eshtë evidente se ‘’ The Redsat ‘’ kanë nevojë për një rigjenerim total dhe sipas raportimeve të ‘’ Daily Mail ‘’ aktualisht anglezi konsiderohet si një ndër lojtarët më të mirë të Premier Leagues .
Por talenti i mesfushorit nuk është shpalosur vetëm nën drejtimin e argjentinasit Marcelo Bielsa por edhe në kombëtaren e ‘’ Tre Luanëve ‘’ sepse ka dhënë sinjale shumë pozitive sidomos për trainerin Gareth Southgate i cili me shumë gjasa do ta grumbullojë për Europianin që do të zhvillohet në verë . Gjatë sezonit aktual Kalvin Phillips ka zhvilluar një performancë me ritme të larta dhe e ka kanalizuar në 26 ndeshje dhe 3 asiste.
Rikthimi në Premier League i ka shërbyer shumë Leeds United për të treguar se mbetet një skuadër kompetitive sepse ka shënuar rritje konstante me kalimin e javëve dhe këtë fakt e demostron renditja në vendin e 10- të . Puna e palodhur e ashtuquajturit ‘’ El Loco ‘’ vazhdon të impresionojë ‘’ The Whites ‘’ , drejtuesit e të cilëve me siguri janë duke fërkuar duart për sigurimin e të ardhurave në funksion të së ardhmes së dëshiruar .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
