Milani nuk e ka fituar dot betejën për të siguruar qëndrimin e Gianluigi Donnarummas në ‘’ San Siro ‘’ . Pasi të përfundojë kontratën me kuqezinjtë gardianin italian e pret një e ardhme në nivele të larta në Europë . Në Milano është tentuar mjaftueshëm për të evituar largimin e 22 vjeçarit por pa sukses dhe dështimi në negociata besohet se do të kapërcehet lehtë sepse sipas deklaratave të Transfer20 Barcelona , Juventus dhe Paris St Germain po përgatiten për të matur forcat drejt arritjes tek një fund i lumtur .
Me mungesën e akordit ndërmjet palëve kuptohet se Gianluigi Donnarumma kërkon të ndërrojë patjetër destinacion dhe të vihet poshtë tre shtyllave tek një skuadër që do të ketë shanse për të fituar tituj në të ardhmen . Megjithatë i konsideruari si zëvëndësuesi ideal i Gianluiggi Buffon në kombëtaren ‘’ Azurre ‘’ do të ketë mbi tavolinë edhe ofertat e Manchester United dhe Chelsea duke e zgjeruar dhe ashpërsuar më shumë luftën për shërbimet e tij .
Me këto alternativa ky portier do të ketë shansin të zgjedhë rrugën me qetësi eksperiencën e ardhshme në kuadratin e bardhë . Por nga ana tjetër kjo histori evidenton një vështirësi më vete sepse në aspektin ekonomik dhe sportiv pretendentët janë pothuajse në të njëjtat ritme , por merkatoja e verës është ajo që do të japë verdiktin final në lidhje me këtë çështje .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
