Emanuel Egbo, është trajneri më i ri i Prishtinës. Klubi nga Kosova, ka zyrtarizuar në stol ish-trajnerin e Tiranës.
Egbo do të marrë vendin e lënë bosh nga Debatik Curri, i cili u shkarkua për mungesë rezultatesh.
50-vjeçari më herët ka drejtuar Tiranën, me të cilët fitoi edhe titullin si trajner, ndërsa si futbollist, ka luajtur me Bylisin dhe Tiranën.
“E njoh Prishtinën, është klubi më i madh në Kosovë, nuk diskutohet me trofetë që ka fituar dhe me shumë ngjarjet që ka bërë me futbollin e Kosovës.
Nuk ishte shumë e vështirë të pranoja ofertën. Pas shpjegimit të planeve dhe objektivave që ka klubi dhe duke qenë tip që i dua sfidat, duke qenë se kam punuar edhe te Tirana, si kulmi i futbollit në Shqipëri, e di që çfarë presioni kanë klubet si Prishtina dhe nuk e pata të vështirë të pranoja punën. Do të jetë ide e mirë të bashkëpunoj me klubin.”, deklaroi Egbo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
