Portieri belg, Miguel Van Damme, ka humbur betejën më të rëndësishme dhe është ndarë nga jeta në moshën 28-vjeçare.
Futbollisti vuante prej kohësh nga leucemia, sëmundje e cila e mposhti, duke e larguar nga jeta në moshë shumë të re.
Van Damme ishte pjesë e Cercle Brugge në kampionatin belg. Ai u diagnostikua me leucemi për herë të parë në 2016, teksa prej pesë vitesh e gjysmë luftonte me sëmundjen e rëndë. Pasi e mposhti dy herë sëmundjen, në shtator të 2020 portieri iu drejtua fansave të Brugge duke thënë se sëmundja po e mundonte sërish.
Ishte bashkëshortja e tij, Hyana Dobbelaere, me të cilën ka një vajzë, e cila njoftoi ditën e sotme ndarjen nga jeta të portierit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
